RareDesi.com
ఒక అరగంట తరువాత అమ్మ వచ్చి నిద్రలేపింది. "ఒరేయ్ లేవరా! నీ సెలవలు అయిపోయాయ్. ఈరోజు నుండి కాలేజ్ కి వెళ్ళాలి" అంటూ. హడావుడిగా లేచి తయారయ్యి వచ్చేసరికి, రాణీకూడా రెడీ అయ్యి వుంది. "ఏరా! అక్కకి ఫొటోలు పంపారా?" అని అడిగింది అమ్మ. లేదని చెప్పాను. "మరి రాత్రంతా ఏంచేస్తున్నారురా? పంపించి ఉండొచ్చుకదా!" అంది అమ్మ. నేనూ,రాణీ తలలు వంచుకొని నవ్వుకున్నాం. "ఇప్పుడే పంపుతానమ్మా.." అని లేచి నా గదిలోకి వచ్చి, ఫొటోలను అక్కకు అప్ లోడ్ చేసి, అక్కకి మెసేజ్ పెట్టా. ఆ తరువాత హాల్ లోకి వచ్చేసరికి రాణి కాఫీ అందించింది. అమ్మ నవ్వుతూ "బంగారం లాంటి పిల్లరా ఇది. నువ్వో రెండు, మూడేళ్ళు ముందు పుట్టి ఉంటే దీనికే ఇచ్చి పెళ్ళి చేసేసేదాన్ని." అంది. "ఇప్పుడైనా ఫరవాలేదమ్మా..నో ప్రోబ్లమ్." ఊపులో అనేసి నాలుక కరచుకున్నా. అమ్మ నా మొహంలోకి సూటిగా చూసి, ఆ తరువాత రాణితో "మావాడిని చేసుకుంటావా? మంచి ఊపుమీద ఉన్నాడూ." అంది. రాణి సిగ్గుతో తలదించుకుంది. నేను లేని గాంభీర్యం నటిస్తూ "ఊరుకో అమ్మా..పరాయి ఆడపిల్లతో అలా మాట్లాడవచ్చా?" అన్నాను. "అలాగా బాబూ..మరి రాత్రి కరెంట్ తీసేసి మీరు చేసిందేమిటో." అంది చిరుకోపంగా. ఇద్దరం షాక్ అయిపోయాము. "నీ అమ్మనురా నేను. మీ మీద అనుమానం వచ్చే, రాత్రి తనని ఇక్కడ ఉంచేసింది. చెప్పండి ఏమిటీ సంగతీ?" అంది. రాణి భయంతో వణికిపోతూ తల భూమిలోకి దించేసుకుంది. ఆమెని చూసి అమ్మ ఫక్కున నవ్వేస్తూ "అలా సిగ్గుపడకే.నువ్వు కొత్తగా అత్తయ్యా అని పిలవడం మొదలెట్టగానే కనిపెట్టా. ఇద్దరికీ మధ్య వయసు ఒక్కటే కదా ప్రోబ్లమ్. వాడి చదువయ్యి కాస్త సెటిల్ అవ్వనీ. మీ అమ్మా,నాన్నతో నేను మాట్లాడతా." అంది అమ్మ. రాణి ఆశ్చర్యంగా అమ్మ వైపు చూసింది. అమ్మ ఆప్యాయంగా ఆమె తల నిమురుతూ "నీ లాంటి బంగారాన్ని ఎవరు వదులుకుంటారు చెప్పూ." అంది. రాణి నవ్వేస్తూ, సిగ్గుతో అమ్మ గుండెల్లో తల దాచుకుంది. ఇక నా పరిస్థితి ఎలా చెప్పను? మీరే అర్ధం చేసుకోండి. ఒక పక్క అమ్మకి దొరికిపోయాననే సిగ్గు, లైన్ క్లియర్ అయిపోయిన అనందాన్ని డామినేట్ చేస్తుంటే, తప్పించుకోడానికి "అమ్మా! నేను కాలేజ్ కి వెళతా." అని పారిపోయాను, "ఒరేయ్, అమ్మాయిని ఇంటిదగ్గర దింపరా." అని అమ్మ అరుస్తున్నా వినిపించుకోకుండా.
కాలేజ్ కి వచ్చానే గానీ మనసు మనసు లో లేదు. రాణికి కాల్ చేయాలని రెండు,మూడు సార్లు సెల్ తీసి మళ్లీ మానేసాను. అలాగే అక్కకు కాల్ చేయబోయి సిగ్గుపడి ఆగిపోయాను. కాలేజ్ లో కూడా ఎవరితోనూ మాట్లాడాలనిపించలేదు. ఒంటరిగా కేంటీన్ లో కూర్చుండి పోయా. ఇంతలో నా సెల్ కి మెసేజ్ వచ్చింది. చూస్తే రాణి పంపించింది. ఆత్రంగా ఓపెన్ చేసా. ఎంప్టీ మెసేజ్. నవ్వుకొని నేనూ ఎంప్టీ మెసేజ్ పంపా. కోటిపదాలు కూడా పంపని ఊసులెన్నో మా మనసుల మధ్య జరిగిపోతున్నట్టు అనిపించింది. ఆకాశాన్ని తాకుతున్న ఫీలింగ్. ఆ ఫీలింగ్ లోనే, కాలేజ్ లో ఉండబుద్దేయక ఇంటికి చేరుకున్నాను. రాత్రంతా నిద్రలేదేమో, మంచంపై పడగానే నిద్ర వచ్చేసింది. సాయంత్రం అమ్మ వచ్చిలేపింది గానీ, బద్దకంగా అలానే పడుకుండిపోయాను. కాసేపటికి సెల్ రింగయితే ఆన్సర్ చేసా. అటువైపు అక్క. అక్క గొంతు వినగానే బద్దకం అంతా వదిలిపోయి, హుషారుగా "అక్కా.ఫొటోలు చూసావా?" అన్నాను. "ఆ ఫొటోల సంగతి సరే గానీ, అంతా హేపీయే కదా!" అంది అక్క. నాకు అర్ధం కాక అయోమయంగా "ఏమిటి అక్కా?" అన్నాను. "మార్నింగ్ అమ్మ మేటర్." అంది. నేను షాక్ అయ్యి "అమ్మ చెప్పేసిందా?" అన్నాను. "అమ్మ చెప్పడం కాదు. అమ్మకి నేనే చెప్పాను, మీరిద్దరూ ఇంటికి చేరక ముందే." అంది. "అదేంటే.అప్పటికి నేను ఇంకా నీకు రాణి మేటర్ చెప్పలేదు కదా?" అన్నాను. "నాకు ముందే తెలుసురా.జస్ట్ నీ నోటి వెంట విందామని అడిగానంతే." అంది. "నీకు ముందే తెలుసా? ఎలా?" అన్నాను మరింత ఆశ్చర్యంగా. "మ్..ఇక్కడున్న రెండు నెలల్లో, దాని పేరు ఎన్నిసార్లు కలవరించావో తెలుసా?" అంది అక్క. దొరికిపోయాను. "అయినా అక్కా! ఈ మేటర్ ని అమ్మకి అప్పుడే ఎందుకు లీక్ చేసావ్? ఇంకో రెండేళ్ళు ఆగి ఉండొచ్చుకదా.." అన్నాను. "మ్..నా మొగుడిని సెలెక్ట్ చేయడానికి దానిని పిలిపించినట్టే, దాని మొగుడిని సెలెక్ట్ చేయమని వాళ్ళ డాడీ నాకు ఫోటోలు పంపాడు. ఇంకా దాస్తే వాళ్ళు ఏదో ఒక దానికి ఫిక్స్ అయిపోతారని, అమ్మకి మేటర్ చేరేసా." అంది అక్క. అక్కకి ఏమిచ్చి ఋణం తీర్చుకోవాలో అర్ధం కావడం లేదు. అదే అక్కకి చెప్పా. అక్క నవ్వేస్తూ "ఇద్దరూ కలసి నాకు మంచి మొగుడిని తొందరగా సెలెక్ట్ చేయండి. వంటరిగా చచ్చిపోతున్నా." అంది. అక్క మాటల్లో ఒంటరితనం. గుండె పిండేసినట్టు అయిపోయింది. "అక్కా.." అన్నాను వణుకుతూ. "డోంట్ బీ సెంటీ బ్రో.కొన్ని అలా జరుగుతాయ్ అంతే.నీకు రాణీలాంటి మంచి అమ్మాయి దొరికినట్టుగా, నాకూ ఒక మంచి అబ్బాయిని వెదకండి. బై." అని ఫోన్ పెట్టేసింది. నా కళ్ళలో గిర్రున నీళ్ళు తిరిగాయి. గొంతులో మొదలైన దుఃఖం, పెదవి దాటి బయటకు వస్తూంటే, అమ్మ వింటుందేమోనని భయపడి బాత్ రూమ్ లోకి పోయి వెక్కివెక్కి ఏడ్చా. నామీద ఇంత ప్రేమ చూపిస్తున్న అక్కకి, ఇంతకంటే ప్రేమని చూపే తోడుని వెదకాలి. నా బాధ్యత నాకు ఇప్పుడిప్పుడే తెలుస్తుంది.
______________________________
Best Telugu Sex Stories
No comments:
Post a Comment